سیاحت ، دستکاری اورثقافتی ورثے کے وزیر کی حضرت حسین بن موسیٰ الکاظم(ع) کے حرم میں حاضری

آستان نیوز کی رپورٹ کے مطابق؛ سیاحت،دستکاری اور ثقافتی ورثے کے وزیر سید رضا صالح امیری نے ایران کے شہر طبس کے دورے کے دوران حرم مطہر حضرت حسین بن موسیٰ الکاظم علیہ السلام میں حاضری دی اس موقع پر شہر طبس کے امام جمعہ حجت الاسلام والمسلمین تکمیلی،طبس،فردوس،بشرویہ،سرایان اور عشق آباد کے پارلیمنٹ نمائندے انجینئر نصیری اور چند ایک شہری اور قومی حکام بھی موجود تھے۔ 
قابل توجہ ہے کہ آستان حضرت حسین بن موسیٰ الکاظم(ع) اور زیارتگاہ شہید مدرس(رہ) انسٹیٹیوٹ کے منیجنگ ڈائریکٹر سید رضا صالحی امیری اور چند ایک خادمین نے وفد کا بھرپور انداز میں استقبال کیا۔ 
حاضرین نے آستانہ مبارکہ پر واقع شہداء کے مزارات پر فاتحہ خوانی کی اور اس کے بعد حضرت حسین بن موسیٰ الکاظم(ع) کی زیارت سے مشرف ہوئے ۔ 
واضح رہے کہ اس ملاقات کے دوران حجت الاسلام والمسلمین احمدی نے خیر مقدم کہتے ہوئے زیارتی سیاحت کے میدان میں انجام پانے والے اقدامات اور خدمات کے حوالے سے ایک رپورٹ پیش کی اورایران کے مشرق میں حرم مطہر حسین بن موسیٰ الکاظم(ع) کو زیارتی سیاحت کر مرکز بنانے کے لئے موجودہ صلاحیتوں اور حکمت عملیوں کا جائزہ لیا اور نیز’’میقات الرضا(ع)‘‘منصوبوں کی تکمیل کے عمل کا بھی جائزہ لیا گیا۔