شہید رہبر کے تشیع جنازہ میں شرکت کے لئے آستان قدس رضوی کے متولی کا پیغام 

بسم الله الرحمن الرحیم
﴿مِنَ الْمُؤْمِنِینَ رِجَالٌ صَدَقُوا مَا عَاهَدُوا اللَّهَ عَلَیْهِ فَمِنْهُمْ مَنْ قَضَىٰ نَحْبَهُ وَمِنْهُمْ مَنْ یَنْتَظِرُ وَمَا بَدَّلُوا تَبْدِیلًا﴾
سوره احزاب، آیه ۲۳
شہید رہبر معظم انقلاب(رضوان اللہ تعالیٰ علیہ) کے س پیکرمطہر کی تشییع   جو عظیم قائد حضرت امام خمینی(رح)کے صالح جانشین تھے بہت عظیم واقعہ ہے ،یہ محض ایک عظیم رہبر سے وداع نہیں ہے بلکہ شہید رہبراور عوام الناس کے مابین ایک اٹوٹ رشتے کا مظہر ہے جن کی خدمت میں شہید رہبر(رح) نے اپنی عمر شریف گزار دی۔
یقیناً اس عظیم مصیبت کو قبول کرنا ہر ایک کے لیے مشکل ہے، لیکن جیسا کہ اللہ کے اس صالح بندے نے بارہا فرمایا کہ یہ اللہ کی نصرت ہے جو ان مشکلات اور سختیوں میں اس قوم کے ایمان اور استقامت کو دنیا کے سامنے نمایاں کر رہی  ہے۔
وہ عظیم الشان اور متواضع رہبر(رح) تھے جو انسانی کرامت اور اس قوم کی عزت کے پاسدار تھے، انہوں نے اپنے پورے وجود کو ایران اور امت مسلمہ کی سربلندی کے لئے وقف کر دیا اور بالآخر اسی سرزمین کے دفاع میں اپنے جد بزرگوار حضرت اباعبد اللہ الحسین کی طرح جان قربان کردی۔ 
نہ تھکنے والے اس مجاہد نے بارہا فرمایا کہ ان کی زندگی کا سب سے قیمتی سرمایہ اور اعزاز حضرت امام رضا(ع) کی ملکوتی و نورانی بارگاہ کا خادم ہونا ہے، آج وہ وقت آگیا ہے کہ ہم ان کا پیکرمطہر اپنے ولی نعمت کے جوار میں سپرد خاک کریں،کیونکہ جنت کا یہ ٹکڑا ان کا گھر ہے اس لئے ان کا دل ہمیشہ حرم میں دھڑکتا رہے گا۔ 
میں اس بارگاہ کے خادم کی حیثیت سے اسلامی جمہوریہ ایران کی شریف ،با ایمان اور ولایت مدار قوم کے تمام افراد خصوصاً اس بارگاہ کے مجاورین اور زائرین کو دعوت دیتا ہوں کہ وہ مشہد مقدس میں شہید رہبر(رح) کے جنازے میں پر جوش انداز میں شرکت کرکے اہلبیت(ع) کے مکتبِ ولایت اور انقلاب اسلامی کے بلند اہداف و مقاصد کے ساتھ عہد و پیمان کی تجدید کریں اورشہید رہبر(رح) سے اپنی محبت و عقیدت کا اظہار کریں۔ 
نیز میں تمام مجاورین اور زائرین سے درخواست کرتا ہوں کہ وہ رضوی کرامت اور مہمان نوازی کے اسی کلچر کے تحت، شرکاء کی خدمت، نظم و سکون، ہمدردی اور خدام و منتظمین کے ساتھ تعاون کو یقینی بنائیں تاکہ یہ عظیم تشییع جنازہ اورتدفین کاعمل، روضہ منورہ امام رضا(ع)کی شان، اس سچے خادم کے بلند مرتبے اور ایران کی قوم کی عظمت کے مطابق ادا ہوں۔
میں خداوند متعال کی بارگاہ میں حضرت امام علی بن موسیٰ الرضا(ع) کے فضل و کرم کے وسیلے سے مرحوم کے درجات کی بلندی ،ایران اسلامی کی عزت و اقتدار میں روز افزوں ترقی اور رہبر معظم انقلاب اسلامی کی توفیقات میں اضافے کے لئے دعا گوہوں،امید ہے کہ پروردگار ہم سب کو اس نورانی راہ پر استقامت کی توفیق عطافرمائے ۔ 
احمد مروی
آستان قدس رضوی کے متولی
.