حضرت امام علی رضا(ع) کے یوم شہادت کے موقع پر 15 بین الاقوامی چینلز سے براہ راست نشریات

آستان نیوز کی رپورٹ کے مطابق؛ آستان قدس رضوی کے کمیونیکیشن اینڈ میڈیا کے شعبہ آڈیو اینڈ ویژوئل میڈیا کے سربراہ سید محإد رضا موسوی نے تفصیلات بتاتے ہوئے کہا کہ ان ایّام کی مناسبت سے کربلا، الایام، الاھواز،البینات،ثقلین، سج ٹی وی،ہدایت ٹی وی،سحر اردو، سحر آذری، ولایت فارسی ، ولایت آذری، ولایت ہوسا،اصیل اور عالمی چینل امام رضا(ع) نے حرم امام رضا(ع) کے اسٹوڈیوزسے خصوصی پروگراموں کو براہ راست نشر کیا۔
انہوں نے کہا کہ ان چینلز کی حرم امام رضا(ع) میں موجودگی سے اس مقدس آستانے کی میڈیا کے شعبے اور ابلاغیاتی صلاحیتوں کا پتہ چلتا ہے یعنی نہ صرف خطے بلکہ دنیا بھر میں سامعین اور ناظرین تک امام رضا(ع) کا پیغام پہنچایا جا رہا ہے ،ان پروگراموں کے ذریعے مختلف زبانوں میں امام رضا(ع) کی تعلیمات، زیارت، عزاداری اور شہید رہبر(رح) کے مرقد سے متعلق فضا کو ناظرین تک پہنچانے کی کوشش کی گئی۔
آڈیو اینڈ ویژوئل میڈیا کے سربراہ نے بتایا کہ شب جمعہ تک مجموعی طور پر  ستر براہ راست اور ریکارڈ شدہ پروگرامز عربی، اردو، ہوسا ، آذری، انگریزی اور فارسی میں نشر کئے جائیں گے، ان میں سے سحر اردو، سحر آذری، ولایت فارسی، ولایت آذری، ولایت ہوسا اور اصیل چینلز کےلئے چھ نشریاتی پروگراموں کا شیڈول تھا اس کے علاوہ الایام، الاھواز، البینات اور ثقلین کے لئے پانچ پروگرامز اور سج ٹی، ہدایت ٹی وی اور عالمی چینل امام رضا(ع) کے لئے چار پروگرامز اور کربلا چینل کے لئے دو پروگرامز مختص کئکے گئے ہیں۔
انہوں نے مزید یہ بتایا کہ عالمی چینل امام رضا(ع) جو کہ آستان قدس رضوی کے میڈیا اینڈ کمیونیکیشن کا چینل ہے اس پر دو عربی زبان کے پروگرامز نشر کئے گئے جن میں ’’یا شمس الشموس‘‘ پروگرام کو کربلا چینل کے ساتھ مشترکہ طور پر تیار اور نشر کیاگيا ۔
آخر میں جناب موسوی  کا کہنا تھا کہ میڈیا پروڈکشن کی وجہ سے مختلف ممالک کے ناظرین حرم امام رضا(ع) کی روحانی فضا میں شریک ہوتے ہیں اور ان چینلز کے ذریعے ان تک اس نورانی بارگاہ کا پیغام براہ راست پہنچتا ہے ۔