عوام کی معیشت اور معیارِ زندگی ملک کی اوّلین ترجیح ہے ؛آیت اللہ صادق آملی لاریجانی

آستان نیوز کی رپورٹ کے مطابق؛ تشخیص مصلحت نظام کونسل کے سربراہ آیت اللہ صادق آملی لاریجانی نے موسم سرما کی ایک تقریب کے دوران جو مدرسہ دارالعلم میں منعقد ہوئی طلبا سے خطاب کیا اور بیرونی دباؤ کے خلاف ایرانی قوم کی استقامت پر زوردیتے ہوئے کہا کہ وہ پابندیاں جن کا مقصد ایران کو مفلوج کرنا تھا وہ اسلامی جمہوریہ ایران کو ہتھیار ڈالنے پر مجبور نہیں کر سکیں ، اور یہ استقامت قومی عزت و ووقار اور خود اعتمادی کا نتیجہ ہے ۔ 
انہوں نے رہبر معظم انقلاب اسلامی کی قیادت میں اسلامی جمہوریہ ایران کے روشن مستقبل کا ذکر کرتے ہوئے کہا کہ دشمن نے فوجی یا اقتصادی دھمکیوں سے ہمیں ڈرانا چاہا ہے حالانکہ ایرانی قوم 47 سال سے مقابلہ کر رہی ہے اور اگردشمن کوئی اقدام کرے گا تو اس پہلے سے زیادہ سخت جواب دیا جائے گا۔ 
انہوں نے مزید یہ کہا کہ ملکی صلاحتیں دشمن کے تصور سے کئی گنا زیادہ ہیں جس کا ایک چھوٹا سا حصہ ہم نے 12 روزہ دفاعی جنگ میں دیکھایا ہے ۔
آیت اللہ آملی لاریجانی نے اپنی گفتگو کے دوسرے حصے میں عوامی معیشت اور معیارِ زندگی کو ملکی بنیادی ترجیح قرار دیتے ہوئے کہا کہ یہ موضوع ہمیشہ سے رہبر معظم انقلاب اسلامی کے فرمودات میں سرفہرست رہا ہے ۔